Ddydd Sadwrn 22 Mehefin 2024 bydd Cyfres Para Triathlon y Byd yn dychwelyd i ddinas Abertawe gan groesawu paratriathletwyr gorau'r byd ochr yn ochr ag athletwyr addawol a chyfranogwyr tro cyntaf mewn gŵyl nofio, beicio a rhedeg.
Wedi’i leoli yn Noc Tywysog Cymru a Glannau SA1, gallwch wylio a chael eich ysbrydoli wrth i bencampwyr Paralympaidd, Byd ac Ewropeaidd gystadlu yn ras elitaidd Cyfres Para Triathlon y Byd gyda dros 100 o baratriathletwyr elitaidd yn cystadlu am bwyntiau cymhwyster gwerthfawr ar gyfer Gemau Paralympaidd Paris 2024.