Cynhelir digwyddiad Cyfres Para Treiathlon y Byd annibynnol cyntaf erioed Prydain gan ddinas Abertawe ar 6 Awst 2022. Fel rhan o Gyfres Para Treiathlon y Byd 2022 Volvo Abertawe, bydd pencampwyr Paralympaidd, pencampwyr y byd a phencampwyr Ewropeaidd yn dod i Abertawe am y tair blynedd nesaf, gan gynrychioli uchafbwynt y cystadlaethau paratreiathlon. Bydd y goreuon yn ymuno ag athletwyr addawol yng Nghyfres 'Paratri Super' Treiathlon Prydain a chyfranogwyr Acwathlon Anabledd GO TRI, y cyfan yn Noc Tywysog Cymru a Glannau SA1.

Bydd y digwyddiad yn dechrau ac yn gorffen yn ardal Glannau SA1, a bydd pentref y digwyddiad wedi'i leoli yno hefyd, drws nesaf i Ddoc Tywysog Cymru a Chei'r De.

Cynhelir Cyfres Para Treiathlon y Byd 2022 Volvo Abertawe ddydd Sadwrn 6 Awst 2022

Helpwch i drefnu digwyddiad Cyfres Para Treiathlon y Byd 2022 Volvo Abertawe drwy gofrestru i fod yn wirfoddolwr ar gyfer digwyddiad 2022. Cliciwch yma i gofrestru i wirfoddoli yn Abertawe eleni

Gallwch gymryd rhan drwy helpu gyda'r digwyddiadau yn y bore, gwirfoddoli, gwylio'r chwaraeon neu hyd yn oed drwy ddarparu adloniant.

Gallwch gofrestru nawr ar gyfer digwyddiadau Cyfres 'Super Paratri' Treiathlon Prydain ac Acwathlon Anabledd GO TRI  yn nigwyddiad Para Treiathlon y Byd 2022 Volvo Abertawe.

• Cyfres 'Super Paratri' Treiathlon Prydain - gall unrhyw un â nam corfforol neu feddyliol neu sy'n niwrowahanol gymryd rhan. Mae'r ras yn agored i'r rheini yr ystyrir eu bod yn athletwyr paratreiathlon dosbarthedig a'r rheini nad ydynt yn cael eu hystyried yn athletwyr paratreiathlon dosbarthedig - bydd y rheini nad ydynt yn cael eu hystyried yn athletwyr paratreiathlon dosbarthedig yn cystadlu yn erbyn athletwyr eraill â nam tebyg. Gallwch gael rhagor o wybodaeth a manylion am sut i gofrestru yma
• GO TRI- Gwahoddir unrhyw un â nam i nofio a rhedeg fel rhan o Acwathlon Anabledd GO TRI - er mai 100m yw uchafswm pellter y ras nofio, does dim angen i chi gwblhau'r pellter llawn. Yn yr un modd, mae gennym ras 500m, y gallwch ei nofio ddwywaith, neu lai os ydych am wneud hynny! Gallwch gael rhagor o wybodaeth a manylion am sut i gofrestru yma

Helpwch i drefnu digwyddiad Cyfres Para Treiathlon y Byd 2022 Volvo Abertawe drwy gofrestru i fod yn wirfoddolwr ar gyfer digwyddiad 2022. Cliciwch yma i gofrestru i wirfoddoli yn Abertawe eleni

Rydym yn cynnig ardaloedd mynediad cyffredinol am ddim o amgylch y glannau ar gyfer y rheini sydd am wylio'r digwyddiad yn ystod y bore a'r rasys elît, gyda'r pentref digwyddiadau yn rhan o hyn. Gyda digon i'w wneud, llawer i'w archwilio a hyd yn oed mwy i'ch difyrru ni waeth beth yw'ch oed, mae'n gyrchfan perffaith i'r rheini sydd am wneud y gorau o'u diwrnod yn Abertawe wrth gefnogi'n hathletwyr.

Cyfres Para Treiathlon y Byd 2022 Volvo Abertawe sy'n arwain Gŵyl Parachwaraeon Chwaraeon Anabledd Cymru a fydd yn cynnwys sesiynau rhagflas ar gyfer amrywiaeth o barachwaraeon rhwng 1 a 5 Awst. Bydd hefyd ras IRONMAN 70.3 yn cael ei chynnal ddydd Sul 7 Awst.

• I gael rhagor o wybodaeth am yr ardaloedd yr effeithir arnynt gan y trefniadau cau ffyrdd, cliciwch yma.

Nac oes, ar hyn o bryd rydym yn bwriadu cynnig ardaloedd mynediad cyffredinol am ddim o amgylch y glannau ar gyfer y rheini sydd am wylio'r digwyddiad yn ystod y bore a'r rasys elît, gyda'r pentref digwyddiadau yn rhan o hyn

Gyda digon i'w wneud, llawer i'w archwilio a hyd yn oed mwy i'ch difyrru ni waeth beth yw'ch oed, mae'n gyrchfan perffaith i'r rheini sydd am wneud y gorau o'u diwrnod yn Abertawe. Dros y penwythnos gallwch ddod o hyd i'r canlynol:

• Bwyd a Diod
• Sgrîn fawr a fydd yn arddangos yr holl gyffro
• Adloniant ar gyfer y teulu cyfan

Mae'r digwyddiad yn hygyrch i bawb. Bydd man gwylio dynodedig ger y llinell derfyn ar sail y cyntaf i'r felin.

Bydd rasys elît ddydd Sadwrn 6 Awst yn dechrau ar yr amserau canlynol:

• 13:00 categorïau PTVI
• 14:20 categorïau PTWC
• 15:45 categorïau PTS2-5

Bydd hefyd ras Cyfres 'Super Paratri' Treiathlon Prydain yn dechrau am 08:30 ac Acwathlon Anabledd GO TRI yn dechrau am 10:30.

Cliciwch yma i weld amserlen lawn y digwyddiad.

Mae llinell gychwyn, y llinell derfyn a phentref y digwyddiad yn ardal Glannau SA1. Gallwch hefyd weld y llwybr beicio a cherdded drwy ganol y ddinas

• Llwybr beicio - mae Parc yr Amgueddfa yn lle da i wylio rhannau o'r llwybr beicio
• Llwybr rhedeg - mae cylchfan Kings Road yn lle da i wylio rhannau o'r llwybr rhedeg
• Bydd map o'r lleoliad ar gael cyn bo hir [SA1] 

Cliciwch yma i weld mapiau llwybr

Bydd, bydd amrywiaeth o fwyd ar gael ym mhentref y digwyddiad wrth ochr y doc ger y llinell derfyn. Bydd yr amrywiaeth o fwyd sydd ar gael yn cynnwys bwyd oer a phoeth a hufen iâ. Bydd te, coffi, diodydd meddal ac alcohol ar gael i'w prynu.

Gall plant coll a'u rhieni fynd i'r pwynt gwybodaeth sydd wedi'i leoli ger llinell ddechrau'r ras nofio neu gallant fynd at unrhyw stiward/swyddog heddlu.Bydd stiwardiaid ar hyd y safle hefyd i'ch helpu.

Bydd man gwybodaeth ger llinell ddechrau'r ras nofio wrth ochr y doc yng Nglannau SA1

Does dim meysydd parcio penodol ar gyfer gwylwyr, defnyddiwch feysydd parcio canol y ddinas gan ddilyn y ddolen hon:  meysydd parcio canol y ddinas - Abertawe

Sylwer, oherwydd bod ffyrdd ar gau ar gyfer y digwyddiad, ni fydd rhai meysydd parcio yn hygyrch hyd nes y bydd y ffyrdd sydd ar gau wedi'u hailagor. Argymhellir bod gwylwyr sy'n teithio mewn car yn defnyddio maes parcio Parcio a Theithio Fabian Way (https://www.abertawe.gov.uk/forddfabian) y mae bysus yn teithio oddi yno bob 20 munud i safle bws Quay Parade (Sainsbury's). Mae lleoliad y digwyddiad 10 munud i ffwrdd ar droed, dros yr Hwylbont.

Bydd manylion lleoedd parcio ar gyfer deiliaid bathodyn glas mewn maes parcio dynodedig yn cael eu cadarnhau cyn bo hir.

Ydy. Bydd man i gadw beiciau ger llinell ddechrau'r ras nofio a'r babell wybodaeth. Rydych yn gadael eich beiciau ar eich menter eich hun.

• Gellir dod o hyd i'r holl wybodaeth am y ffyrdd lleol sydd ar gau yma.

Rhaid i'r holl geir fod wedi'u parcio ym maes parcio Paxton Street erbyn 10am ddydd Sadwrn 6 Awst os ydynt am adael yr Ardal Forol yn ystod y digwyddiad. Bydd cerbydau yn gallu gadael maes parcio Paxton Street ar adegau penodol yn ystod y ras, gweler isod: 14:00 – 14:20 a 15:30 – 15:45.

Ni fydd yn rhaid i chi dalu i barcio ddydd Sadwrn 6 Awst.

Ni fyddwch yn gallu cael mynediad i'r Ardal Forol pan fydd y ffyrdd ar gau. Gofynnir i breswylwyr barcio'u ceir yn un o feysydd parcio canol y ddinas nes bod y ffyrdd yn ailagor.

Ewch i (www.croesobaeabertawe.com) neu (https://www.ironman.com/im703-swansea)

i gael rhagor o wybodaeth am y trefniadau cau ffyrdd ar gyfer y penwythnos

Gan fod digwyddiad Cyfres Para Treiathlon y Byd 2022 Volvo Abertawe yn cynnwys ras elît, mae'r trefniadau cau ffyrdd ar waith o ddydd Gwener 5 Awst i sicrhau bod ein hathletwyr elît yn gyfarwydd â llwybr y ras.

E-bostiwch swansea@britishtriathlon.org i drafod mynediad.

Bydd mynediad i'r gwasanaethau brys ar bob adeg.